AdSense test ad

5 बातें जो आपको कहनी चाहिए || 5 Things You Should Say ||Ten Powerful Phrases For Positive People | Hindi



Hello Friends.
Swagat Hai Aap Logo Ka Hamare Knowledge Talks Official Me :-

Aaj me aapko Rich Devos ki book "Ten Powerful Phrases For Positive People" se 5 powerful baate bataunga jinhe hume aksar kehni chahiye lekin hum kehte nahi hai.



To Dosto Bina Kisi Delay Ke Shuru Karte hai :-

#1 I Am Wrong :-

Ye baat number one par author ne isliye rakhi hai kyunki ye kehna sabse mushkil hai ke me galat hun. Hum log kya kar rahe hai bas dusro ki galtiya dekh rahe hai. Khud ko galat kehna aur dil se accept bhi karna bahut mushkil kaam hai.

Jab tak aap apni mistake accept nahi karoge tab tak aap badal nahi sakte aur agar ap nahi badloge to aapki soch bhi nahi badlegi aap jaise ho humesha waise hi rahoge aur ho sakta hai ke aap usse bhi niche chale jao.

Ye baat kehna ki me galat hu aur aap sahi ho hamara attitude badal jata hai jisse hume naye raste nazar aane lagte hai shuru me to apko apni galti accept karna mushkil lagega lekin casually ye aasan hota jayega

#2 I Am Sorry :-

Jab aap kisi se keh rahe ho ke me galat hu to iske sath apko sorry bhi kehna chahiye hamari galati par khud ka bachao karna to bahut aasan hai lekin jab hum I Am Sorry kehna decide karte hai to amazing hi kai problem gayab ho jati hai.

Zaruri nahi hai ki aap I Am Sorry tabhi kaho jab apki galti ho aisi kai situation hoti hai jaha aap I Am Sorry keh sakte ho agar apke kisi friend ko job me problem hai ya marriage problem hai ya koi aur problem hai waha bhi I Am Sorry keh kar bata sakte ho ke ap kon se humdardi hai zindagi aise kai event se bhari hui hai jaha I Am Sorry kehna bahut powerful hota hai.

#3 You Can Do It :-

Kai log life par positive out look nahi rakhte woh apni ability par bharosa bhi nahi karte ek word ki You Can Do It tum kar sakte ho kisi bhi kaam me successful hone ke liye bahut zaruri hai parents ko apne bacho ko bar bar batana chahiye ki woh kya kar sakte hai logo ko zarurat hai janne ki woh kya kar sakte hai.

Aapne Shayad Do Mendhako Ki Kahani Suni Hogi Nahi Suni To Me Aap Ko Batata Hu :-

Ek bar do mendhak gadde me gir gaye woh dono bahar nikalne ki bahut koshish karte hai. Itne me waha dusre mendhak bhi aa gaye unhone kaha ki ye kafi gehra khadda hai dono mendhak kitni bhi koshish kar le bahar nahi nikal payenge.

To in mendhako ki baat sun kar khadde me gire hue do mendhako me se ek mendhak aaram se baith gaya ki mehnat karne ka kya fayda jab marna to hai hi.

Lekin dusra mendhak koshish karta raha jump karta raha usse dekh kar upar waale mendhako ne aur zor se chillana shuru kar diya ki kuch nahi hoga aaj shanti se wahi mar ja kyun apne aap ko takleef de raha hai ek maan gaya tu bhi maan ja lekin us mendhak ne aur jada koshish ki aur koshish karte hue woh bahar aa gaya.

Ab sabne pata karne ki koshish ki aakhir is mendhak ne hamari baat kyun nahi maani to pata chala ki woh mendhak behara tha jab sab usse mana kar rahe the ki koshish mat kar wahi shanti se mar ja usse laga ki sab usse encourage kar rahe hai ki aur koshish kar tu bahar aa sakta hai koshish karta rahe ab chunki woh mendhak behara tha to usne uske discourage karne ko encourage karna samjha aur bahar aa gaya

Is kahani se hume do lesson milte hai.

Ek ye ke aap ki kahi hui baate dusro ki life bana bhi sakti hai aur bigad bhi sakti hai hume dusro ko discourage karne ki jagah hume himmat deni chahiye.

Dusra lesson ye ki agar aapka koi mazak uda raha hai apki himmat tod raha hai to aap unke liye behare ho jao sirf apne goals par focus karo dusro ki kahi hui baato se apne sapne mat todo isliye logo ke liye behare ho jana hi acha hai

#4 I Believe In You :-

Ye baat You Can Do It se jada persnol hai I Believe In You ye baat hum hamare action se bhi bata sakte hai.

Har insan khud me doubt rakhta hai ki woh koi kaam kar sakta hai ya nahi isse karna chahiye ya nahi aur jab usse negative baate usse kehta hai  tum nahi kar sakte to uske doubt aur pakke ho jate hai.

Khas kar ke bachon ko batana chahiye ki hume un par bharosa hai agar exams me kam marks aaye hai to unhe datne fat karne ki jagah unse discus karna chahiye aap ko unhe batana chahiye ki apke liye education important hai marks nahi ye kehne se bachon ko ye signal bhejta hai ki apko un par bharosa hai aur woh ache marks laa sakte hai.

Jab hum kisi ko support karte hai to actual me hum unhe bata rahe hote hai ki hume un par bharosa hai.
Ek insan kya kya kar sakta hai ye usko tab tak pata nahi chalta jab tak ke woh koshish na kare jab aap kisi ko batate ho ki ap un par bharosa karte ho to woh encourage hote hai kuch karne ke liye.

#5 I Am Proud Of You.

Hum jin logo ke close hote hai hum chahte hai ke woh log hume attention de jab  hum kuch acha kare tab woh hume appreciate kare I Am Proud Of You kehna bahut acha appreciation hai ye baat un logo ko khas tor par keh ni chahiye jinhe apni abilites par shak hota hai jo log mushkil samye me hai aur acha feel karne ke liye kuch na kuch dhund rahe hai jo jada awards ya rewards nahi jeet te to ye teachers ke liye aur parents ke liye bahut zaroori hai ke bachon ko I Am Proud Of You kehne ka koi bhi moka jane na de.

Isi ke sath aap logo se alvida leta hun I Believe ki aap logo ko acha laga hoga is article ko padh kar acha lage to share karna comment kar ke jarur batana aur nahi acha lage to ap jante ho apko kya karna hai.

Shabba Khair.

Post a Comment

0 Comments