AdSense test ad

गरीबों और अमीरों की सूरत || Appearances of the poor and the rich !




Hello Friends.

Article shuru karne se pehle me ap logo ko ye batana chahta hun ki me garibon se nafrat nahi karta hu. Jo baat mujhe achi nahi lagti hai woh hai garib mentality. Aur is article ka maksad kisi ko nicha dikhana ya kisi ka dil dukhana nahi hai.

Interesting baat ye hai ki garib mentality kai garibon me bhi nahi pai jati ye kin logo me pai jati hai ye baat aapko article ke khatam hone tak pata chal jayegi.

Ye article likhne ka maksad ye hai ke in baato par gor karo. Aur agar ye baate ap me pai jati hai to apni mentality change karo. Ye baat ap bhi mante hoge ki ye knowledge Talks Official blog bahut se aisi log padte hai jo khud ko batter banana chahte hai. Jo hamesha kuch naya sikhna chahte hai. Jo garib nahi rehna chahte.

Is article ko padhne ke baad acha lage to please share kare aur hmare sath jude rahe. Aur nahi achi lage to ap log jante ho apko kya karna hai.

Aur jo me is article me batane ja raha hu woh do books hai pehli book ( 7 habits of  highly effective people ) aur dusri book hai (Secret Of The Millionaire Mind).




To Dosto Bina Kisi Dely Ke Direct Aate Hai Kaam Ki Baat Par :-

1 Baat :-
Sport
Jo Garib Pasand Karte Hai Woh Hai Sport, Khelna Nahi Sirf Dekhna.

Ye kai ghante waste kar dete hai ek match dekhne me. Jab match khatam hota hai to match ke baad ka program dekhte hai jisme char log beth kar match me jo hua wahi discus karte rehte hai aur fir woh bhi khatam ho jata hai to players ke private life ke baare me internet par search karna shuru kar dete hai.

Reality ye hai ki agar aap kisi team ke malik nahi ho agar ap us khel se directly jude hue nahi ho to apko sport se itna lagav nahi hona chahiye.

Jitne bhi amir log hai Woh kabhi bhi TV ke samne beth kar sport dekhte hue apna time waste nahi karte. Agar unhone koi team kharidi hui hai to woh apko ground par hi dikh jayenge.

Khelna bahut achi baat hai aap khelo me bhi khelna hu physical fitness ke liye khelna bahut acha hai. But dekhte hue time waste karna bahut bura hai. Jin teams ke liye garib log jhagda karte hai jin players ke liye woh apne dosto apne padosion aur apne desh ke logo se jhagda karte hai woh players caroro kama kar le jate hai aur apko ek rupiya bhi nahi milta kyunki unka business hai. Think about it.


2 Baat :-
Television Aur Social Media.

Garib log Tv bahut jadaa dekhte hai aur social media par time bhi bahut waste karte hai. Inke favourite hote hai jinka woh ek bhi episode miss nahi karte.

Agar apko bhi Tv serial bahut pasand hai aap bhi apne favourite Tv serial ka ek bhi episode miss nahi karna chahte to chances hai ki aap garib ho kyunki Tv serials dekhne se apki life me koi improvement nahi aayega balki aur negativity aati hai Tv serials ke negative character apko apni family aur apne aas pas ke logo me dikhne lagte hai agar woh log waise nahi bhi hai tabhi aap sochte ho ki ye to bilkul serial killer wale jaise hi dikhra hai ya dikhri hai.

To Tv serial time to waste kar hi rahe hai aur sath me negativity bhi fela hi rahe hai balki ye dushmani bhi bada rahe hai.

Amir wale log Tv dekhne ki jagah Tv me aana pasand karte hai aur unki yahi soch unhe successful banati hai


3 Baat :-
Lazy Garib Log Amir Logo Se Jada Lazy Hote Hai.

Ye log us samye tak koi kaam start nahi karte jab tak inke padhai khatam na ho jaye ya inke papa inki koi job na lagwa de.

Jab ki amir log kam umar me hi kaam karna shuru kar dete hai. Ap kisi bhi amir ki biography padh lo unhone apni school khatam hone tak pehle se hi kaam karna shuru kar diya tha.

Jo log jaldi kaam karna start kar dete hai paise bachana aur invest karna shuru kar dete hai to woh apni jawani me aur uske baad ki age me kabhi bhi garib nahi hote.

Agar aap isi tarha late uth te rahoge Tv dekhte rahe aur apki jawani aise hi uda di idhar udhar style marne me to jab tak aap ko samajh aayega ki apko kuch karna chahiye tab tak baut der ho chuki hogi. Aapke paas woh energy nahi hogi jo jawani me hoti hai


4 Baat :-
Reactive Garib Log Apni Failure Ki Zimmedari Dusro Par Dal Dete Hai.

Garib log hamesha apne aap ko victim batate hai masoom batate hai woh kehte hai ki mera to sath bura ho gaya kisi dusre ki wajah se. Me business nahi kar pa raha hu competition ki wajah se. Me fail ho gaya hun woh teacher achi nahi thi woh pass ho gaya kyunki teacher uski relative thi.

Jab ki amir log failure ki zimmedari khud lete hai aur dekhte hai ki kaha par unse galti hui thi taki future me dubara woh galti na ho.

Jab ki garib log kisi bhi kaam m fail ho jaate hai to woh kaam wahi chord dete hai. Amir log fir se try karte hai aur tab tak try karte hai jab tak ke woh kamiyab na ho jaye.



5 Baat :-
Resent Rich And Successful Garib Soch Wale Log Dusre Amir Aur Successful Wale Logo Se Jalte Hai. 

Koi achi car samne se niklegi to kahenge ki ye car to usne do number paiso se li hai. Kisi ka bada ghar dekhar kahenge ki ye ghar to sasural ke paiso se banaya hai. Yaar kisi bhi paiso se banaya ho usse apko kya.

Amir soch wale dusro amir aur successful logo ko dekh kar unhe appreciate karte hai agar koi garib hai lekin uski mentality amiro wali hai to woh ache car dekh kar kehta hai ki bahut achi car hai me bhi ek din khari dunga. same baat woh acha ghar dekh kar bhi kehta hai.



6 Baat :-
Show Off Garib Soch Wale log Dikhawa Karte Hai.

Ab aap kahoge ki garib kaha dikhawa karte hai dikhawa to amir karte hai nooo me apko batata hun mene dekha hai ye apne bhi dekha hoga kai logo ko ki bande ki salary to 20,000 hazar hai lekin woh mobile 50,000 ka rakhta hai ye chamatkar kese karta hai ye woh loan leke kyun dikhane ke liye lekin kise dikhane ke liye uske hi jaise aas pass ke garibo ko dikhane ke liye.

Garib log chahte hai ki woh jab apne aas pass ke garibon se mile to woh amir dikhe aur woh jab apna phone nikale to unka dost ya dusre garib unki tareef kare ki wahh bhai kya phone hai tera.

To amir dikhne ke liye woh apne budget se bahar nikal kar mehnge phone branded kapde branded shoes lete hai aur sirf itna hi nahi garib log kai chiz dikhave ke liye loan par lete hai like AC bada Tv ya ek car

Kisi relative ne car leli to garib sochte hai ki usse ek darje niche ho gaye ab ye kese bhi karke loan lekar car liyate hai aur badi mushkil se EMI pay karte hai apni salary me se bacha bacha kar aur jab inke boss ko pata chalta hai ki ye fasa hua hai EMI me to woh sochta hai isse ab jitna chaho kaam kar walo ye job chodne ka risk nahi lega  aur waha par job me fas jate hai.

Jab ki amir ye sab chize apne business account se kharidte hai jisse unhe income tax me fayda milta hai apko shayad lagta hai dikhawa hai lekin agar amir ek ek chiz par planning karke kharch karte hai.



7 Baat :-
Log Kya Kahenge

Garib log humesha is baat ko lekar pareshan rehte hai ki log kya kahenge unka social status nahi rahega unki izzat nahi rahegi.

Garib log udhar lekar shandar shadi karte hai ya fir apni saari saving ek sath shadi me laga dete hai ki kahi log ye na soche ki inka ek hi beta hai aur itni simple si shadi ki ye bahut similar hai last point se garib log sochte hai ki material chizo se unki izzat bani hoti hai isliye woh mehngi chize isliye kharidte hai taaki unki izzat aas pass ke logo me bani rahe aise woh sochte hai.

Jab ki amir log is baat par bilkul fikar nahi karte ki log kya kahenge woh bas apne kaam se kaam rakhte hai amir log kisi bhi kaam ko chota ya bada nahi samajhte.

Jabki garib logo ne waha bhi izzat ko jod rakha hai ye kaam bada hai ye kaam chota hai
ek amir mentality wala insaan har legal kaam kar leta hai woh ye nahi sochta ki me ye kaam karunga to log kya kahenge.

To ap samajh gaye honge ki me kin garibo ki baat kar raha tha
Ye woh garib hai jo jeb se to garib nahi hai lekin soch se garib hai








Post a Comment

0 Comments