AdSense test ad

बालों की समस्या को कैसे दूर करे | How to remove hair problem | Hindi




Hello Friends.
Swagat Hai Ek Bar Fir Hamare Knowledge Talks Official Me.

Jaha hum baat karenge baalo ki samasya ke upar jo baalo ka jhadna baalo ka pakna ek bahut hi aam samasya hai aur aaj kal jyada tar yeh samasya umar se pehle hi hone lagi hai safed baal, baalo ka patla hona, do muhe baal, ganja pan hone ke sath sath dandruff hona, laga tar baalo ka girna yeh sabhi common problem hai jinki wajah se hamare baal kharab hone lagte hai.

Baalo se judi koi bhi samasya jab shuru hoti hai to woh dheere dheere badhne lagti hai aur har tarah ke prayas ke baad hi hame koi khas result nahi milta jiski wajah se har baar baalo me kanghi karte samay ya nahate samay hamare bahut saare baal girne lagte hai aur safed baalo ko chupane ke liye hamare pass dye karne ke alawa dusra rasta nahi hota.

Lekin baalo ka khayal rakhne ke liye kuch khas chizo ka lagatar istemal kya jaye to baalo se judi har tarah ki samasya ko  badhne se turant roka ja sakta hai.

Aaj is article me janenge ek aise hi asar daar aur unique oil ke baare me jo ki baalo ke safed hone baalo ke jhadne aur patle ho rahe ki samasya ko puri tarah khatam kar ke naye baalo ki growth ko tezi se badhayega.

To Chaliye Jante Hai Ise Banana Kaise Hai Aur Iska Istemal Kaise Karna Hai :-

Ise banane ke liye hume zaroorat hogi

1 Mehandi
2 Amla Powder
3 Jaitun Ka Tel ( Olive Oil )
4 Arandi Ka Tel ( Castor Oil )

Dosto in sabhi chizo se jo hum tel banayenge uska sabse jyada asar safed ho rahe baal aur tezi se jhad rahe baalo par hota hai lekin iske liye zaroori hai isme istemal ki gai sabhi chizo ki quality bahut achi ho.

Step 1 :-

Sabse Pehle gas par ek bartan ko madhyam aach par garam kare aur usme lagbhag 2 and half yani dhaai chamach mehandi aur do chamach amla powder milaye.

Step 2 :-

Iske baad isse madhyam aach par seke ise hume tab tak seke jab tak ki yeh jal kar dark brown yani ki halka kala na ho jaye dhyan rahe ki misharan ko jyada jalana nahi hai sirf thoda sa jalana hai.

Step 3 :-

Iske baad gas ko band kar de aur isse thanda hone ke liye chodh de thanda ho jane ke baad isse kisi kanch ki bottle me nikal le.

Step 4 :-

Uske baad kaanch ki bottle me 100ml arandi ka tel aur lagbhag 150ml jaitun ka tel mila kar saari chizo ko aapas me achi tarah se mix kar de.

Step 5 :-

Iske baad kaanch ki bottle ka dhakkan laga kar 4 se 5 dino tak dhup me rakhe. 4 se 5 din dhup me rakhne se isme mojud alma aur mehandi se bane charcoal ke sabhi goon tel me acchi tarah se mil jate hai. dhup me rakhne ke baad yeh tel tayar ho jayega.

Istemal Kaise Kare :-

Is tel ka istemal karne ke liye hafte me do se teen baar raat ko sone se pehle is tel se apne baalo ki jado me acchi tarah se massage kare aur isse raat bhar apne baalo par hi laga rehne de.

Istemal karte samaye tel ki matra ka dhyan rakhna bahut zaroori hai itne hi tel ka istemal kare jo ki pure sar me acchi tarah se fel jaye. Bahut jyada tel ka istemal na kare aur isse pure baalo me na lagaye kewal baalo ki jado me hi lagaye.

Is tel ka raat me istemal karne ke baad agli subah baalo ko dhona zaroori hai.

Dosto yeh tel itna effective hai ki iska asar aap ko do hafto me hi dikhna shuru ho jayega. Lekin agar aap isme acchi mehandi aacha amla powder aur achi quality ke tel ka istemal nahi karte hai to isse hone wale asar me thoda fark aa sakta hai.

Isliye ache result ke liye koshish kare ki mehandi ke patte amlo ko sukha kar ghar par hi iska powder tayar kare aisa karne se is tayar tel ka asar 10 guna jyada badh jata hai.

Post a Comment

0 Comments