AdSense test ad

"पैसो का इस्तेमाल कैसे करे" || How To Use Money | Rich Dad Poor Dad | Hindi




Hello Friends
Swagat Hai Apka Ek Bar Fir Hamare Blog Knowledge Talks Official Me.

Jaha me apko Robert T.Kiyosaki ki "Rich Dad Poor Dad" Book me se kuch aisi baate bataunga jo rich ghar ke baccho ko kis tarah se paiso ke baare me jankari di jati hai. Jisse weh aage chal kar acha paisa kama sakte hai. Yeh book Robert Kiyosaki ki biography par bhi hai.

Paiso Ke Bare Me Woh Baate Jaane Jo Rich Apne Baccho Ko Sikhate Hai :-

Middle class parivar me aksar yeh baatein kahi jati hai ki paisa hi har samsya ki jard hai Unke gharo me bacho se paiso ki kabhi nahi ki jati. Yaha tak ki log jo filme dekhte hai usme bhi villain hamesha ek rich businessman hi hota hai unke hisab se paisa aadami ko ghamandi bana deta hai.

Paiso ke bare me is tarah ki soch rakhne se unke bache bhi apni zindagi gareebi me bita dete hai aur unke bacho ka bhi yahi haal hone wala hai. Is book me woh baatein batai gai hai jo rich log apne apne baccho ko sikhate hai jisse unke bich aage chal kar apni zindagi sukoon se bita sake.

Is book me yeh bataya gaya hai ki kis tarah se aap khud paiso ke liye kaam na karke apne paiso se apne liye kaam karwa sakte hai.
Yeh book aap ko paiso par kabu karna sikhati hai aur sath hi yeh batati hai ki kis tarah se ap apni aamdani aur apne kharcho ke bich antar ko itna bada sakte hai jisse aapko kabhi bhi kaam karne ki zaroorat na pade.

Company Employees :-

Hamesha khud ke alawa sab ke liye kaam karna. Matlab yeh ki agar ap kisi company me kaam kar rahe hai to aap us company ke liye kaam kar rahe hai aap apne boss ko rich bana rahe ho khud ko rich nahi bana rahe.

Bahut se logo ko yeh baat pehle se pata hai lekin fir bhi yahi kaam kar rahe hai kyunki unke aas pass ke sabhi log yeh kaam kar rahe hai unhe is baat ka dar lagta hai ki agar weh logo ki tarah kaam nahi karenge to log unke baare me kya kahenge ki nalla betha hai koi kaam dhandha karle yahi dar unhe aage badne nahi deta.

Inke alawa hum logo ko bachpan se programm kiya jata hai ki school jaa kar ache numbar laao achi naukri ki talash karo. yeh salah industrial age se chali aa rahi hai us samay ek company me achi naukri karne ke baad budhape me pension milti thi lekin ab aisa kuch nahi hai aaj hum information age me jee rahe hai lekin kuch log ab bhi apne bacho ko 100 saal purani salah de rahe hai aise me agar kaha jaye ki duniya ke 80% log middle aur poor class ki zindagi jee rahe hai to isme koi herani ki baat nahi honi chahiye.

Hum is dor me kuch is tarah se ulajh gaye hai ki hum yeh jaan kar bhi khud ko usse bahar nahi nikal paa rahe bas hum kaam kiye jaa rahe hai aur apne boss ko rich banaye jaa rahe hai.

Greed And Wrong Decisions :-

Agar apke pass finance ki knowledge nahi hai to lalach aur dar jaisi bhavnaye aap par havi ho jayegi yeh bhavnaye aap ko sochne samjhne ki shamta ko kam kar sakti hai aur aap ko galat faisla lene par majbur kar sakti hai.

Jab bhi hamare pass kuch jyada paisa aata hai to hum usse kisi stock ya bond me invest nahi karte balki lalach me aakar us paiso se gaadi aur ghar kharid lete hai haan ye baat ap soch rahe hoge ki gaadi tak baat thik thi but ghar kharidna over ho gaya but jinko asal me need ho ghar kharidne ki woh kharid sakte hai. hum hamesha rich dikhne ki koshish karte hai rich banne ki koshish nahi karte iska natija yeh hota hai ki hum saari zindagi kaam karte rehte hai aur ek din gareebi me mar jate hai.

Financial Education :-

Kya apko pata hai ki jo log retired hote hai unme se 50% logo ke pass koi retirement plane nahi hota aur jo bache hue 50% hai unme se bhi 75-80% logo ko zaroorat bhar ki pension nahi milti aaj ki duniya me agar aap seer ghuma kar dekhe to aapko bahut saare kabil log dikhai denge lekin yeh kabil log kamyab nahi hai.

In sabhi baato ki wajah hai financial education ki kami
Aaj ke samay me school me woh padhaya jata hai jiska istemal asal zindagi me bahut kam hota hai. Financial Education ki zaroorat har vyakti ko hai kyunki har vyakti paisa kamana aur usse sambhalna chahta hai lekin school me iske baare me kuch bhi nahi padhaya jata jiski wajah se bahut saare log bade hone ke baad paiso ko acche se nahi sambhal paate.

Financial Knowledge :-

Agar aap apne future ko acha banana chahte hai to aap ko aaj se hi shuruwat karni hogi aap jitni jaldi kaam kar na shuru karoge utni jaldi khatam bhi karoge aur apni bachi hui zindagi ko ache se bita sakoge.

Iske liye aapko pehle jankari hasil karni hogi aap jab tak khud ko educated nahi karoge tab tak aap koi bhi faisla ache se nahi le paaoge.

Aaiye Dekhte Hai Aapko Kis Tarah Se Shuruwat Karni Chahiye :-

Sabse pehle aap yeh dekhiye ki aap is samye kya kar rahe ho aur aap jo bhi kaam kar rahe ho usse aap kis tarah ki zindagi jeene ki umeed karte hai aap dekhiye ki future me jab aapke kharche badenge tab kya aap apne is kaam se apne aap ko sambhal payenge.

Iske baad aap apne finance ki manzil ko teh kijiye  aap yeh sochiye ki ab se 10 saal baad aap apne aap ko kis halat me dekhna chahte ho aur kis tarah ki zindagi jeena chahte ho aap khud ke liye jo manzil teh karenge usse hasil karne ke liye jankari hasil karna shuru kar dijiye aap ka samay aur aap ka dimag aap ki sabse badi property hai iska sahi istemal karna sikh kar aap kamyab ban sakte hai.

Financial Education ko sudharne ke liye aap seminar me ja sakte hai books padh sakte hai ya fir expert ke sath uthna bethna shuru kar sakte hai.

Learn How To Take Risk :-

Aaj tak koi bhi bina risk liye rich nahi ban paya hai kamyab logo ko risk lene se dar nahi lagta kyunki unhe pata hai ki risk ko handle kaise karte hai unke pass soch samajh kar risk lene ki kabiliyat hoti hai jisse weh jab risk lete hai to kamyab hote hai dusri taraf nakam log risk lene se darte hai kyunki unhe nahi pata ki risk ko kaise handle kiya jata hai.

Hum me se har koi apne paiso ko banks me jaa kar jama kar deta hai hum usse kahi bhi invest nahi karte aur isliye hamesha paiso ke liye kaam karte jaa rahe hai agar hum usse invest karenge to paisa hamare liye kaam karna shuru kar dega.

Motivational :-

Sabse pehle aap ko yeh baat dimag me betha leni chahiye ki agar aap rich banne ke raste par nikal rahe hai to aap ko bahut baar girna hoga aur bahut baar harna hoga isliye yeh bahut zaroori hai ki mushkil time me aap apna motivation na khoye isliye kuch tarike me apko batata hun.

Sabse pehle aap ek list banaiye aur usme likhiye ki aap kya chahte ho kya nahi.

Example :-
Aap likh sakte hai "Me apni zindagi gareebi me nahi bitana chahta" ya fir "Mujhe hamesha paiso ke liye kaam nahi karna"
Jab bhi aap ko lage ki aap ka motivation kam ho raha hai tab aap us list ko nikal kar padhiye isse aap ko yeh pata lagega ki kabhi aap ko kyun kaam karna hoga.

Iske alawa aap apne aap par kharch karo na ki aap yeh socho ki income aate hi EMI deni hai bill pay karna hai ghar par paise dene hai tuition fees pay karni hai net recharge karwana hai etc etc jisse ap apne dimag ka bojh kam karna chahte ho.

Lekin agar ap khud par paise kharch karoge to aap apne dimag ko baaki ki jarurat ko pura karne ke tariko ke baare me sochne par majboor karenge isse aap alag alag raste nikal kar paise kamane ke tarike ke baare me sochne lagenge aur samay ke sath behtar ban jayenge.

Isi ke sath me apse alvida leta hun I believe apko motivational kafi mila hoga risk lo finance ko ache se samjho jada life ke baare me mat socho khush raho aur be healthy raho.

Shabba Khair

Post a Comment

0 Comments