AdSense test ad

What Is MLM And Network Marketing ? | Hindi



Hello Friends.
Swagat Hai Aapka Ek Baar Fir Hamare Knowledge Talks Official Blog Me.



Aaj ka article MLM and Network Marketing ke base par hai bahut se logo ko nahi jante hai ki MLM and Network Marketing kya hota hai to aaj me aapko in do marketing ke baare me batane jaa raha hu.

Kya MLM companies ko join karna chahiye ya nahi karna chahiye kis tarah se join karna chahiye kya kya chizo ko dhyan me rakhna chahiye agar aap MLM company join karna chahte ho network marketing company join karna chahte hai kya ye legal hai india me ya nahi hai kyun ki bahut sare logo ke dimag me ye sawal aata hai ki MLM legal hai ya nahi jo fake company hoti hai unko kaise pata lagaye aise sare sawalo ke jawab hai is article me pura padhiyega.

Dosto hum baat kar rahe hai MLM company ke baare me jinko nahi pata unko me bata du ki MLM company hoti kya hai.

MLM Company Kya Hai ? :-

MLM ka means hota hai Multi-Level-Marketing ye ek tarika hai direct selling ka jaha par aap kisi company ko join karte hai uske product ko kharidte hai aur logo ko member banwate hai aur aage product ko bechte hai is tarike se ye kaam karta hai. Aap jitne apne niche member banayenge aur aap jo member banaye woh apne niche member banayenge to aap ko bhi profit hoga aur jo aap ke upar level ke member hai usko double profit hoga. Basically yaha par pyramid approach chalti hai jaise ki aap dekh sakte hai yaha par jo top level pe hai usko sabse jyada profit hota hai kyun ki usi ne in chizo ki starting ki thi aur jaise jaise niche niche level jate jate waise waise jo hai profit jo hai woh kam hote jate hai.



Ab Kya Ye Legal Hai Ya Nahi Hai Is Par Baat Karte Hai :-

To dekho dosto bilkul legal hai MLM ka jo concept hai network marketing ka concept hai isme koi kami nahi hai ye koi froude nahi hai but yaha par jo hai froude jo nikal jati hai woh hai companies is tarah se product bechne se koi burai nahi hai but jo companies isme jyada tar aati hai woh froude nikal jati.

Ek estimate hisab se mane to around 70% to company aaj ki date me india me chal rahi hai woh ek tarike ka scam hai ya aap usko froude keh sakte hai kyun ki jyada tar cases me jin logo ne MLM company start ki hui hoti hai woh apna profit jyada dekhti  hai apne partners ka profit jyada dekhte hai bajaye iske jo us company ko jo join kar raha hai uska profit ho ya na ho unhe koi fark nahi padta.

Ab aisa bhi nahi hai ki sari companies hi froude hai kuch aisi companies bhi hai jo ki genuine companies bhi hai jaise ki Amway ho gaya Tupperware ho gaya Herbalife ho gaya ye sari kuch companies ke jo mene naam bataye jo ki genuine companies hai agar aap in companies ko join karoge to aap ek acha khasa kaam kar sakte hai.

Ab baat kar lete hai kin logo ko MLM company join karni chahiye ya kin logo ko MLM company join nahi karni chahiye :-

Dekhiye agar aap kisi bhi MLM company ko join karte hai to isme aap ki convincing power bahut acchi honi chahiye kyunki aap ko logo ko samaan bechna hai and believe me logo ko samaan bechna sabse hard task hota hai sabse mushkil kaam hota hai kyunki koi insaan tabhi aap se samaan kharidega jab usko zaroorat hogi

To aise me agar aap koi bhi new company join karte hai MLM aap ko samaan bechna hai sabse pehle aap apne rishtedaro ke pass jaoge apne dosto ke paas jaoge to is chiz ka dhyan rakho ki kya yaar aap ke dosto ya rishte kharab to nahi honge unko aap baar baar force to nahi kar rahe in sabhi baato ko aap ko sochna hai kis tarike se aap ko bechna hai kin logo ko bechna hai ye aap ko dekhna padega kyunki sirf apne dosto ya rishtedaro ko bech kar kaam to nahi karoge aap kitna product bech doge ristedaro me woh ek limit tak lenge uske baad woh mana kar denge.

Jo bhi aap network marketing company ya fir MLM company join karna chahte ho woh kon se product sell kar rahi hai ye baat aap ko dhyan rakhni padegi.

Agar aap ki company jo hai general roz marra ki chize bechti hai jo daily life me use aate hai  tab to chances hai ki aap ke products bik sakte hai.

Agar aap ne aisi MLM company join kar li bahut costly product bechti hai to aise me aap ke product bikne ke chances kam ho jate hai kyun ki costly product jyada tar log MLM company se lena nahi pasand karte

Logo ke dimag me yeh rehta hai ki agar me mehange product ko bechunga to mera jo commission hai company se jyada aayega. Commission jyada aa sakta hai but aap ko ye bhi dekhna hai ki aap ke jo kharid dar hai ya nahi hai lene wale hai ya nahi hai agar aap ke pass kharid dar hi nahi hai to aap ka commission nahi aane wala.

To ye saari chize aap logo ko dhyan me rakhni hogi agar aap ek MLM company join karna chahte ho.

Iske alawa mene bahut baar aise video ya article pade hai jo yeh bolte hai ki 2, 3 ghanta aap ko kaam karna hai aur aane wale time me aap ki 40 se 50,000 mahine ghar baithe paise aana shuru jo jayega to dosto aisa bilkul nahi hai din ke do ghanta kaam karke aap ye umeed nahi kar sakte ki mahine ke aap 40se 50,000 kama sako bethe bethe ye bilkul possible nahi hai.

Article ko khatam karne se pehle me aap sab ko yahi bolna chahta hu ki agar aap MLM company join karna chahte ho to aap sabse pehle ye dekh lo ki us company ke product kon se hai kitni purani company hai company ka commission kya hai woh dekh lo aap ki marketing strategy kya hone wali hai kis tarah se logo ko add karoge ye saari chize aap logo ko dhyan me deni hogi.

Post a Comment

0 Comments