AdSense test ad

ताज महल अनोखे तथ्य | Interesting Fact Of Taj Mahal | Hindi



Hello Friends.
Swagat Hai Aapka Ek Baar Fir Hamare Knowledge Talks Official Blog Me. 

Interesting Fact Of Taj Mahal


Kya aapne kabhi suna hai ki Taj Mahal apne andar kitne mystery ko samete hue hai agar nahi suna to aaj hum aap ko batayenge Taj Mahal ke kuch interesting fact jo aap ne pehle kabhi sune ho kuch aisi baate jo aapko nahi pata hongi Lekin agar aap Taj Mahal jaa chuke hai ye fir jaane ka plan bana rahe ho to in baato par bhi gor kariyaga .

Yeh baat to aap ko pata hogi ki Taj Mahal sirf pyar ki hi nishani hi nahi balki ye mahal duniya ke logo ke liye ek aakarshan ka kendra bhi hai jo bhi insaan is khubsurat imarat ko dekhta hai weh apni aankho par bharosa nahi kar pata yahi kaaran hai ki is khoobsurat pyar ki nishani ko duniya ke 7 ajubo me shamil kiya gaya hai.

Barso pehle banai gai nishani abhi tak zinda hai woh kisne banai thi ye to aap ko aur hum ko bakhubi pata hai ki aisi khoobsurat imarat jisse bahut bariki aur Flourishing artwork banaya gaya usse Badshah Shahjahan ne apni begum Mumtaz ki yaad me yeh Taj Mahal Banwaya tha.

Iske alawa bahut sari baate hai jo is imarat se judi hui hai aaj hum aap ko is khoobsurat imarat ke baare me aisi baate batayenge jo iski khoobsurti aur chaka chond me nazar nahi aati.

Taj Mahal ka nirmaan Maharani Mumtaz ki mout ke ek saal baad 1632 me shuru kiya gaya tha vastukala ( Architecture ) ke is shandar Taj Mahal ko banane me kareeb 22 saal lage.

Is shandar ka Structure ka nirmaan vastukar Ahmed Lahori the is kaam ke liye Majdur, Chitrakar, Kadhai Kalakar, Sulekh aur kai anye logo se ke sath 22000 se jyada log aur 1000 hathiyo ko lagaya gaya jo sangemarmar ko ek jagah se dusre jagah tak le jane ka kaam karte the.

Taj Mahal ko banane me us waqt 3 crore rupaye kharch hue the jo aaj ke 63 arab 77 crore rupaye ke barabar hai.

Taj Mahal ke gumbad ke charo aur minare hai aur charo minare ek dusre ki aur jhuki hui hai kyun ki kabhi kisi disaster ke kaaran yeh minar gire bhi to main gumbad ke upar na gir kar bahar ki taraf gire aur bich ke main gumbad ko koi nuksan na pahuche.

Taj Mahal ke makbare ki chhat par ek ched ( Hole ) hai jiske piche ki kahani ye batati hai ki Taj Mahal ke banne ke baad Badshah Shahjahan ne sabhi karigaro ke hath katwane ka elan kar diya tha kyun ki woh chahte the ki Taj Mahal jaisi khoobsurat imarat dubara na ban paye aur unke is faisle se naraz majdurone janbuj kar Taj Mahal ke makbare ke bich me ek ched chod diya tha.Aur agar aap kabhi waha par jaye to zaroor dekhe aaj bhi barish ke mausam me us ched se pani tadapta rehta hai.

Kya aap jante hai 2nd world war ke doran Taj Mahal ko baas ( Bamboo ) se dakh diya gaya ye sach hai ki jab 2nd world war hua to Taj Mahal ki puri gumbad ko baas se dakh diya gaya tha taki dushmano ki nazar us chamchamati khoobsurat imarat par na pade.

Sirf yahi nahi jab 1971 me bharat pak yudh aur 9 11 jaise ghatanao ke baad bhi Taj Mahal ko surakhshit rakhne ke liye baas se mahal ko dakh diya jata hai.

Shahjahan ne jab pehli baar Taj Mahal ko dekha To dekhte hue unhone yeh kaha tha ki "Yeh mahal sirf pyar ki nishani ko hi nahi bayan karega balki unko bhi dosh mukt karega jo us pak zameen par kadam rakhenge aur uski gawahi chand tare bhi denge".

Yeh kaha jata hai ki Taj Mahal ke banne ke baad Shahjahan ne ye elaan karwaya tha ki jitni majduro ne Taj Mahal banwaya hai unke hath kaat diye jaye taki future me dubara aisi koi khoobsurat imarat na ban sake. haalaki is baat ki koi pusti nahi ho pai hai jis wajah se bahut se log aaj bhi is baat par sawal uthate hai.

Taj Mahal ki banawat aisi hai jise khas adhar ki zaroorat thi aur us adhar ko aisi lakdi se banaya gaya hai jo pani milne par majbut bani rehti hai aur weh lakdi Taj Mahal ki niv ko pakka karti hai aur uski us lakdi ko aur Taj Mahal ki niv ko pakka karti hai weh hai yamuna nadi ka pani.

Yeh adbhut safed sange mar mar ka Taj Mahal lal pathar ki deewar se teen taraf se ghira hua hai isko banane me 28 tarike ke kimti patharo ka istemal kiya gaya hai jin ko dekhne par vishwas nahi hota.

Taj Mahal ko banane jis pathar ka istemal hua usse Chin, Tibet, Sri lanka, se lagbhag 28 tarike ke pathar ko mangwakar banaya gaya hai. Is besh kimti patharo ko angrej british samrajya ke doran ukhard kar apne sath le gaye the.

Sabse khas baat to yeh hai ki Taj Mahal ke sabhi favware ek sath kaam karte hai jab ki isme technology ki koi bhi taknik istemal nahi hui hai balki us time is niche vishal tambe ka tank lagaya gaya tha jisme paani bhi ek sath badta hai aur favware bhi ek sath kaam karte hai.

Kya aapne is baat par gor kiya hai ki Taj Mahal ka rang badalta rehta hai agar aap isko subah ke time dekhe to yeh aap ko halka gulabi agar aap isko sham ke time dekhe to yellow rang ka dikhega aur chandni raat me aap agar aap isko dekhte hai to yeh ek dam safed dikhega.

Post a Comment

2 Comments

  1. Appreciating the dedication you put into your website and
    detailed information you present. It's awesome to come across a blog every once in a while that isn't the same outdated rehashed
    information. Great read! I've bookmarked your site and I'm including your RSS feeds to
    my Google account.

    ReplyDelete