AdSense test ad

पिले दांतो को सफ़ेद कैसे करे ? | What Is Plaque And Tartar & How To Whiten Teeth ? | Hindi


Hello Friends
Swagat Hai Aapka Ek Baar Fir Hamare Knowledge Talks Official Blog Me.

What Is Plaque And Tartar & How To Whiten Teeth


Dosto hum sabhi jante hai rozana daanto ki safai ke liye brush karna bahut zaroori hota hai taaki daanto me pila pan na jame aur hamare daant hamesha saaf dikhai de.

Lekin daanto ki chahe kitni bhi achi safai kyun na kar li jaye hamare muh aur daanto me bacteria hamesha hote hi hai. Jab bhi hum kuch khate hai to hamare muh me mojud bacteria chabaye gaye bhojan me mojud protein, glucose aur bio product ka istemal karke hamare daanto ke aas pass PLAQUE banane lagte hai yeh ek safed color ka pradhat hota hai jo ki hume aasani se dikhai nahi deta lekin jab iski thodi moti layer jam jati hai to isse upari sabse peeche ke daanto par zib le jakar mehsoos kiya jaa sakta hai.

Daanto ke bich me tooth pick dalne par nikalne wala safed pradhart hi PLAQUE hota hai aam tor par isse brust ke jariye hataya ja sakta hai lekin jyada tar log daanto ko kewal bahar se saaf karne par jyada dhyan dete hai aur jald bazi me brush karte hue daanto ke pichle hisse ko puri tarah nazar andaz kar dete hai.

Aise hi daanto ke pichli aur andruni layer par plaque jama hone lagta hai aur dheere dheere yeh sakht hokar jyada majbut aur ziddi ban jata hai aisi situation me daanto ki andruni layer par halke aur gehre pine color ke daag nazar aane lagte hai jisse TARTAR kaha jata hai.

TARTAR me bhi kai tarah ke chip chipe bacteria paaye jaate hai aur isse kewal brush ke jariye aasani se nahi nikala ja sakta isliye aam tor par log dentist par dependent ho jate hai.

Halaki daanto me TARTAR jamne se hone wale bure effect ka ek lambe time tak pata nahi chalta lekin jaise jaise time guzarta jata hai yeh apna asar dikhana shuru kar deta hai.

Daanto me jama TARTAR aur PLAQUE me bacteria mojud hote hai aur jab bhi hum koi kuch meetha khate hai to us meethe se yeh ek acid bana kar daanto ko kamjor banana shuru kar dete hai jab daanto pr kahi kahi kaale dhabbe nazar aane lage to yeh daanto me cavities yani ki keede lagne ka shuruwati lakshan mana jata hai aur agar isse lame time tak nazar andaz kya jaye to yeh daanto ki enamel layer ko nasht karke unhe khokla bhi banane lag jata hai.

Iske alawa daanto ki sensitivity badhne lagatar dard bane rehne aur daanto ki jado me kamjori hone se lekar gingivitis jaise gambhir masudo ki bimariya daanto me jame PLAQUE aur TARTAR ki wajah se ho sakti hai.

Isliye inhe kabhi bhi nazar andaz na kare dentist ke pass daanto ki safai karne ke bajaye kuch aasan gharelu nuskho ki madad se daanto me jame pile pan ke sath sath ziddi TARTAR se bhi aasani se chutkara paya ja sakta hai.

Aaiye Jante Hai 3 Aisi Hi Sabse Asardar Tariko Ke Baare Me.

1 Nuskha :-

Isse banane ke liye hume zaroorat hogi.
:- Tamatar
:- Santre Ke Chilke
:- Namak

Ek pure santre ka chilka aur half tamatar ko mixer me chala kar iska paste bana le.

Ab is tayar paste ko apne tooth brush par lekar isme ek chutki namak mila de uske baad is mishran se apne daanto ki achi tarah safai kare aur brush karte time jyada pressure na lagaye kewal halke hatho se hi brush chalaye aur sath hi sath un jagah ko achi tarah cover kare jaha par pila pan jyada jama hua hai.

4 se 5 min achi tarah brush karne ke baad kulla kar le aur uske baad se sirf ek minute ke liye apne rozana istemal me laye jane wale apne tooth paste se brush karke daanto ki safai kare.

Tamatar aur santro ke chilko me vitamin C ki matra kafi adhik hoti hai aur sath hi iski anti bacterial property TARTAR banane wali bacteria ke khilaf bahut tezi se asar dikhati hai aur is process ko lagatar 3 din karte rehne par aap dekhenge daanto me jama ziddi pila pan aur PLAQUE saaf hota jayega.

2 Nuskha :-

Isse banane ke liye hume zaroorat hogi.
:- Nariyal Ka Tel
:- Baking Soda
:- Namak

Ek chamach nariyal ke tel me adha chamach baking soda aur do chutki namak mila kar isse achi tarah se mix kar le.

Iske baad is mishran se apne daanto ko ungliyon ki sahayata se ya fir brush ki sahayata se achi tarah saaf kare.

Baking soda ka istemal daanto ki safai ke liye purane time se kiya aate ja raha hai khas kar daanto me jame pile pan aur ziddi TARTAR ko nikalne ke liye ye nuskha sabse jyada asardar mana jata hai yeh ek anti acid ki tarah kaam karte hue muh ke PH level ko balance karta hai jisse muh aur masudo ki badbu se chutkara milta hai.

Is nuskhe ka istemal hafte me kewal ek baar ya mahino me 2 baar kare. Baking soda soft and ruf hota hai jiske jyada istemal se daanto ki biofilm par asar hone lagta hai aur tooth enamel par nuksan pahuchata hai.

Isliye is nuskhe ka lagatar istemal na kare aur agar aap ke daant bahut jyada sensitive hai to baking soda ko puri tarah avoid kare.

3 Nuskha :-

Isse banane ke liye hume zaroorat hogi.
:- Kaali Til
:- Laung Ka Tel

Sabse pehle 2 se 3 chamach til ko chaba le aur chabane ke baad usse apne muh me hi rakhe.

Uske baad ek sukhe toothbrush 4 se 5 boond laung ka tel daal kar daanto ki acchi tarah safai kare.

Isme til ka hamare daanto ke liye natural scrub ki tarah hame daanto ke liye istemal karna hai isse chabane ke baad hume til ko niglana nahi hai yeh na sirf hamare daanto ki achi tarah safai karta hai balki daanto ki sensitivity aur masudo ke dard se bhi chutkara dilata hai

Lagatar iske istemal se aap dekhenge ki daanto me jami saari gandgi saaf hone lagegi aur dubara TARTAR aur PLAQUE jaman bhi band ho jayegi.

Khana khane ke baad hamare bhojan ka kuch hissa hamare muh me hi reh jata hai jisse ki PLAQUE banna shuru ho jata hai isse bachne ke liye khana khane ke baad kulla kare aur ek chamach saunf chaba le. Saunf chabane se daanto ki safai bhi ho jati hai aur bhojan bhi achi tarah pach jata hai.

Agar aapki rozana cigarette pine ki aadat hai to isse kam karne ki koshish kare kyun ki cigarette ki wajah se ye samasya bahut jaldi badhane lagti hai.

Din bhar me jyada se jyada pani piye kyun ki pani pite rehne se hamare muh ki safai hoti rehti hai aur gandgi jama nahi hoti agar aap ko pani ke baare me aur janna hai iske liye mene pehle hi ek article likha hua hai jime aap ko pata lagega ki hame pani kab pina chahiye kaise pina chahiye aur kab kab pina chahiye aap is link ko click kar ke read kar sakte hai."पानी पीने का सही तरीका" || The Right Way To Drink Water ! 


Post a Comment

1 Comments

  1. My programmer is trying to persuade me to move to .net from PHP.
    I have always disliked the idea because of the expenses.
    But he's tryiong none the less. I've been using Movable-type on various
    websites for about a year and am worried about switching to another platform.
    I have heard excellent things about blogengine.net.

    Is there a way I can import all my wordpress content into it?
    Any kind of help would be really appreciated!

    ReplyDelete